نسيتي عجيلة والسوق المسيه رؤوف
نسيتي الكرتي وصقره البخم في الدوف
مع كونك جماداً لا سمع لا شوف
عندك يالمريه قلوبنا قاطعه الخوف
************************
مسَـك القبلة في كوع الشمال براقِك
وقشط سدروا في عامر سحابو وساقِك
تبُونك قرنّن والسيل دهَـك شقّاقِك
الضايق نشوقك حار عليه فراقِك
************************
يا أم هبج اللواري قطعت فسحانك
الموت عزتك لكن زمانك خانك
يوم كشفت عنيبة اتدافرت فرسانك
شقوا وبردوك ومركوها أركانك
************************
الليلة علي التُرك قدر الله صاح
تشهد عنيبة الموز مي من القباح
إتقدم أخوك يا السمحة تور النطاح
تسمع حديد الريف في البيضا صاح
************************
يا يوسف أخوي نار الفويطرات وجّن
والعجب اللهيج سكر جنيد ومعجّن
سليمان أصلوا عارف عمرو كلو ملجّن
لكني خائف عليك من نظرتِّن لا تجن
************************
حرس المطامير البيصوي خلاهو
قول لي أب آمنه لازم أفهمك معناهو
ذل الحوجه كتير عند الرجال شفناهو
ما بليق بالفلس أنس المزرّق فاهو