الفرزدق سجم الرماد
"كان درت الجمال قبل علي دار فارسة
شف سمح الخصال والعفه عند الفارسة
بت ملك الشمال ملك الجميع ابو فارسة
الكتل الحلال انا شفتو في عيون فارسة"
"في خدينا يا عشاقا لبن ودميها
في برطاما عسل ومربي مر يعميها
فيهو سديرا جملة بلاوي جت لاميها
عندها نظرة تكتل جيش ومو هاميها
"قول يا ابناجمة في البت الرجيما حنوت
بقنت كان يجود بي ليما لي قنوت
انا الخلاني اجرب حتي للكهنوت
كسرت الشباب والشيب والبنوت
"ما كضبنا ابدا يا ام سماح مو هين
خلقة حسن خلق كاسيك وليكي بزين
عشوقك كاتلو شوقك وانتي عرضك صين
لي قطع الرحط شال باع رهن ومتدين"
جولي مانو هيفاء المنها إتضارينا
جمبك نسمة هبت يا عصار كاترينا
وراها الفي صلاتنا آبناجمة نحن طرينا
بنجري عمرنا كلو ان كان بجيبا جرينا"