ود شوراني والوصف بالحروف الابجديه
July 17, 2013
تقديم : الخنساء بت المك
(أ)
بي الالف التألف فوقا مي شاحداهو
ريدة مخلي انفسنا الصبر جاحداهو
برت القلب بعد ماقلت شيبو هداهو
سهران باكي ودعيني الغميد عاداهو
(ب)
بي الباء بابو قافل من سعوب وصعلق
عفيف وغرامو جارح وقلبي فيهو اتعلق
عاشقي العاد لي حالة قيس وابن حلق
سمحا ديسو نازل فوق قصارو مكلق
(ت)
بي التاء تتاتي المشية وتموح متاكية
حاوية جمال وذوق واندادا منها شاكية
سمحة الفي السير بيها المجالس حاكية
لي عليها قلبا ناح وعـــــــــــــــينا باكية
(ث)
بي الثاء ثانية عندها كسرة التايبين
يسهروا لامن الفراع حمارو يبين
الانناس مع الحلو والعنب والتين
حلاة لهج الفريد في عصرو مالو وزين
(ج)
بي الجيم جملة حاكمة امات شلوخ والسادة
فرقها خلا وسن النوم حردنا وعادى
الاحمانا نعقل ونستحي ونتهادى
نحن عليها دون الناس قلوبنا مراضى
(ح)
بي الحاء حاوية ذوق وجمال وظرف وعفاف
من لسعات غراما الحاد بقينا نخاف
مقاطع الخيل محاسن الاريل الشراف
تراهن في الذكي اللي رؤؤس اكابر لاف
(خ)
بي الخاء خايل الغنا فوقا بتحق قولو
اريل وصيدة قفربي البطانة سلولو
عاجباني وعليها الناس جري فكرولو
بي ود الكزازي الاصهب الشرفولو
(د)
بي الدال دال علي كونو الجمال هو فريدو
ويسهل عندنا الغنا وكتين يكون فوق سيدو
طبعو مخلي كل الناس قلوبنا تريدو
يالفي بري داك لي ليمو تدني بعيدو
(ذ)
بي الذال ذالت النوم مني ودع راحل
نعمن ليها سدرا شاب وردفا واحل
سمحة ورشرش الامياق مفزر وكاحل
جنيبة خيل وعنافية خاتية سواحل
(ر)
بي الراء رؤيتها تفرح القلوب الحازنا
هي الفرقتنا انا والنوم بقت حجازنا
الحويتا راجل الدين وحسن استاذنا
ماشاهد سماحة لي جمالا موازنا
(ز)
بي الزين زينة العين النفوس تهواها
مقسوم وهبه مو تصنيع ذهونا ذكاها
فرق العلتي الحاس بيها فيها دواها
انحل صحتي ولمبة جناني طفاها
(س)
بالسين سنو فارحة حزين وحالا ضماير
ماهماهو الجمال الليدو طاعم وناير
لفح توب الدلع لبس الكلوش بي زراير
غناي لي الغيرو مافضلت فيهو دخاير
(ش)
بي الشين حالي وطعمو مو راتيلي
ومن غير قيس وبن ربيعه ابن مثيلي
عجز راي دكاترة كبار علاج تعليلي
محبوب قلبي مافي طبيب بلا بداويلي
(ص)
بي الصاد صادني رمحو الفي فؤادي طعني
فرقو شعربو من بعد الكبر جنني
لهجو وفمو عجكا لي صبيتو محني
فاقدو يساقد الليل الطويل ويغني
(ض)ب
ي الضاد ضل قلبي وهم من طعينو
وجه حربو شايلني وضربني برينو
في شبه الوحش جيدو وخدودو وعينو
منو الاصهب اب شنشون حفا وقرينو
(الطاء)
بي الطاء طاب دهرها وحظها مساعدها
عفيفة ما هاكل البنظرا بواعدها
الدرعا العقيدة من الزوال باعدها
ليها مدور السارية الرزم راعدها
(ع)
بي العين عينا مايق البي كرايدا بجازي
قلبي ينوح عليها وصرت منها ماذي
المن غيرا ظاهرا بين استفزازي
ضق عانيلا بي اصهب مهورة كزازي
(غ)
بي الغين غانية لي جلاسا حافظة كيوفا
لكن فارما جوفن لي حواري سيوفا
ست حد الجمال ام طبعه مالوفه
مابرضالا عينا ماها مؤمنه تشوفا
(ف)
بي الفاء فاهو فاق عسل البنوني خطابو
غرامو تعب شديد من سيفو لاحرابو
الحسس السكن عقلي وبلاهو وصابو
اكتم سرو والقى الناس تعرف اسبابو
(ق)
بي القاتف قافية الغنا يانديم ناتلاها
حاوية جمال وذوق والعاشقين كاتلاها
الدرعا العقيدة علي قمش شتاها
خلت طايف النوم مقلتي جافاها
(ك )
بي الكاف كافة العشاق تنوح من فرقك
اريل شارفة كارفة دعاش ويقدخ برقك
جمالك مافي قبلي وغرب وصعيدك وشرقك
طعمك مسخ السابقاك والبتعرقك
(ل)
بي اللام لام نارا وفي الفؤاد سنوها
سمحة وناس مجالا الحالي مابنسوها
اقول الراتعه بي هامباي وراد جزوها
ولا ام حرحرة اللميرفاب بسعوها
(م)
بي الميم مايلة نفسي عليها مشتاقالا
عسفت نوم عيوني وقلبي طاري مجالا
وصف اليخجل الدره العزيزة جمالا
مهرة مقتية وشتم النحاس قحالا
(ن)
بي النون نادية سمحة ان نظرتا بتهلك
غراما سلاحو اصبح في القلب متملك
ست فتح القوافي الطرقهن مسلك
عسى يانفسي باب ليما العرز يسهلك
(ه)
بي الهاء وهاوي لاقي اقدامي مي شايلاني
من الاريل الراد الجزو السفلاني
سمحة الريدا لي كل القبل غباني
خلت طايف الغميد خيالو جفاني
(و)
بي الواو وافرة سابلة عروضا عامرة ديوشة
لكن نزرة ماها اللي الدنات مغشوشة
عنافية كلف مادة اب حفافة وشوشه
منها لي وجد نار الكمين مفروشة
(ي)
بي الياء يابسة كبدي ونارا مي مبارحاها
وذاكرة عقلي مش ممكن يعودا صحاها
فريدة عصرها الكان نفسنا مصارحها
فرقها ودر النوم والمقل صحاها
July 17, 2013
تقديم : الخنساء بت المك
(أ)
بي الالف التألف فوقا مي شاحداهو
ريدة مخلي انفسنا الصبر جاحداهو
برت القلب بعد ماقلت شيبو هداهو
سهران باكي ودعيني الغميد عاداهو
(ب)
بي الباء بابو قافل من سعوب وصعلق
عفيف وغرامو جارح وقلبي فيهو اتعلق
عاشقي العاد لي حالة قيس وابن حلق
سمحا ديسو نازل فوق قصارو مكلق
(ت)
بي التاء تتاتي المشية وتموح متاكية
حاوية جمال وذوق واندادا منها شاكية
سمحة الفي السير بيها المجالس حاكية
لي عليها قلبا ناح وعـــــــــــــــينا باكية
(ث)
بي الثاء ثانية عندها كسرة التايبين
يسهروا لامن الفراع حمارو يبين
الانناس مع الحلو والعنب والتين
حلاة لهج الفريد في عصرو مالو وزين
(ج)
بي الجيم جملة حاكمة امات شلوخ والسادة
فرقها خلا وسن النوم حردنا وعادى
الاحمانا نعقل ونستحي ونتهادى
نحن عليها دون الناس قلوبنا مراضى
(ح)
بي الحاء حاوية ذوق وجمال وظرف وعفاف
من لسعات غراما الحاد بقينا نخاف
مقاطع الخيل محاسن الاريل الشراف
تراهن في الذكي اللي رؤؤس اكابر لاف
(خ)
بي الخاء خايل الغنا فوقا بتحق قولو
اريل وصيدة قفربي البطانة سلولو
عاجباني وعليها الناس جري فكرولو
بي ود الكزازي الاصهب الشرفولو
(د)
بي الدال دال علي كونو الجمال هو فريدو
ويسهل عندنا الغنا وكتين يكون فوق سيدو
طبعو مخلي كل الناس قلوبنا تريدو
يالفي بري داك لي ليمو تدني بعيدو
(ذ)
بي الذال ذالت النوم مني ودع راحل
نعمن ليها سدرا شاب وردفا واحل
سمحة ورشرش الامياق مفزر وكاحل
جنيبة خيل وعنافية خاتية سواحل
(ر)
بي الراء رؤيتها تفرح القلوب الحازنا
هي الفرقتنا انا والنوم بقت حجازنا
الحويتا راجل الدين وحسن استاذنا
ماشاهد سماحة لي جمالا موازنا
(ز)
بي الزين زينة العين النفوس تهواها
مقسوم وهبه مو تصنيع ذهونا ذكاها
فرق العلتي الحاس بيها فيها دواها
انحل صحتي ولمبة جناني طفاها
(س)
بالسين سنو فارحة حزين وحالا ضماير
ماهماهو الجمال الليدو طاعم وناير
لفح توب الدلع لبس الكلوش بي زراير
غناي لي الغيرو مافضلت فيهو دخاير
(ش)
بي الشين حالي وطعمو مو راتيلي
ومن غير قيس وبن ربيعه ابن مثيلي
عجز راي دكاترة كبار علاج تعليلي
محبوب قلبي مافي طبيب بلا بداويلي
(ص)
بي الصاد صادني رمحو الفي فؤادي طعني
فرقو شعربو من بعد الكبر جنني
لهجو وفمو عجكا لي صبيتو محني
فاقدو يساقد الليل الطويل ويغني
(ض)ب
ي الضاد ضل قلبي وهم من طعينو
وجه حربو شايلني وضربني برينو
في شبه الوحش جيدو وخدودو وعينو
منو الاصهب اب شنشون حفا وقرينو
(الطاء)
بي الطاء طاب دهرها وحظها مساعدها
عفيفة ما هاكل البنظرا بواعدها
الدرعا العقيدة من الزوال باعدها
ليها مدور السارية الرزم راعدها
(ع)
بي العين عينا مايق البي كرايدا بجازي
قلبي ينوح عليها وصرت منها ماذي
المن غيرا ظاهرا بين استفزازي
ضق عانيلا بي اصهب مهورة كزازي
(غ)
بي الغين غانية لي جلاسا حافظة كيوفا
لكن فارما جوفن لي حواري سيوفا
ست حد الجمال ام طبعه مالوفه
مابرضالا عينا ماها مؤمنه تشوفا
(ف)
بي الفاء فاهو فاق عسل البنوني خطابو
غرامو تعب شديد من سيفو لاحرابو
الحسس السكن عقلي وبلاهو وصابو
اكتم سرو والقى الناس تعرف اسبابو
(ق)
بي القاتف قافية الغنا يانديم ناتلاها
حاوية جمال وذوق والعاشقين كاتلاها
الدرعا العقيدة علي قمش شتاها
خلت طايف النوم مقلتي جافاها
(ك )
بي الكاف كافة العشاق تنوح من فرقك
اريل شارفة كارفة دعاش ويقدخ برقك
جمالك مافي قبلي وغرب وصعيدك وشرقك
طعمك مسخ السابقاك والبتعرقك
(ل)
بي اللام لام نارا وفي الفؤاد سنوها
سمحة وناس مجالا الحالي مابنسوها
اقول الراتعه بي هامباي وراد جزوها
ولا ام حرحرة اللميرفاب بسعوها
(م)
بي الميم مايلة نفسي عليها مشتاقالا
عسفت نوم عيوني وقلبي طاري مجالا
وصف اليخجل الدره العزيزة جمالا
مهرة مقتية وشتم النحاس قحالا
(ن)
بي النون نادية سمحة ان نظرتا بتهلك
غراما سلاحو اصبح في القلب متملك
ست فتح القوافي الطرقهن مسلك
عسى يانفسي باب ليما العرز يسهلك
(ه)
بي الهاء وهاوي لاقي اقدامي مي شايلاني
من الاريل الراد الجزو السفلاني
سمحة الريدا لي كل القبل غباني
خلت طايف الغميد خيالو جفاني
(و)
بي الواو وافرة سابلة عروضا عامرة ديوشة
لكن نزرة ماها اللي الدنات مغشوشة
عنافية كلف مادة اب حفافة وشوشه
منها لي وجد نار الكمين مفروشة
(ي)
بي الياء يابسة كبدي ونارا مي مبارحاها
وذاكرة عقلي مش ممكن يعودا صحاها
فريدة عصرها الكان نفسنا مصارحها
فرقها ودر النوم والمقل صحاها