من قومة الجهل في الواجبات بتوسط
وفقاه للجزر فوق فارغة مـــــــابتوسط
فارع في القوام ماهو القصير وموسط
سواي الكتيييييييير لكن حديثو مبسط
ابا كفا سخية وحاشا مي المنصرّة
قدام ضيفو ماكشر وشـيهـو وصرّه
بش فوق الخلوق وحلف عليها واصرّه
ما دس القروش كوش عليها وصرّه
كاسيك الـــكرم كسوة لباس الكعبة
طايعاك الحروف عندك تساوي اللعبة
ايا الفارس الهمام شياّل همومنا الصعبة
ان طالو الجبال عــــــندك بترجف رّعبة
المن تبّ لي ناكر جميل مابصادق
مابنطق لسانو الا نضاما صادق
البي مالو للمحتاج دوام متصادق
شال خلقو العظيم من الامين الصادق
داخراك يالاصّـــــم انا للسنين العوج
يالكرمك مدفق بحرو موج في موج
عارفاك من عقب ركاب صعاب وسروج
عشا البايتات ان جوك الضيوف بالفوج
فارس في المحاص ديما مسرج خيلك
ومابترضي المشين ضايق خصيمك ويلك
معروف في الرجال دايما مطفح كيلك
بتقود اللطام يصــــــعب لحاقك ونيلك
وماك متابع الفارغةو جهل مقدود
ومن قومة الجهل ماسمعنا قالو حسود
وفي ساعة الشبك بتحلحل للمعقود
وان قالو الكرم عارفنك المقصود
وللعدو والمشين طوالي سيفك طايل
وماسمعناك يوم تابع البقول والقايل
نضمك يالتلب لي كدرنا دايما شايل
وقولت مك اسد فيك المكمل خايل
نسلك ات من نسل الرسل اتشقّ
ونورك ضوا ساحتنا وشعاعك بقّ
فرتاقين صفوف اهلك شكرهن حقّ
ما اتجهجهتو يوم مدفع عدوكم طقّ
ماك الداب عريبو وداب بنيات عمو
وماك يالدخري حقاص كايس البتهمو
معروف في المحاص سيفك بقطر دمو
لا بتخيب و فيــــــــــك الخبوب ببتلمو
الي سري دايما باقي حافظ وكاتم
ياك رتينة الليل اب سواداً غاتم
العاجبني فيك فارس الجرارق الحاتم
بي سوطين عنج شبعت عولو مآتم
بشوفك يالهمام صقر القنيص الخوّه
وبشوفك للصحاب الديمه حافظ الخوّه
بشوفك في الصعاب بلقاك زائد قوّه
راشاي الضعيف سند البقول يامروّة
معروف في المحاص صقر القمارى الفرّن
ومعروف في الرجال تور البكارى المرّن
ات فرج الخلوق وكت السنين الحرّن
حجر الصاقعه ات برق السحائب الكرّنّ
انت الفارس البقدل يبارز ندو
وانت تواسي للفايت يمين عن حدو
في الجود والكرم ايديك دوام يتمدو
وان درتا الجبل في لحظة بس بي تهدو
و تسلم يا الفرع معروف مأصل ساسو
اب رايا سديد عز لي قبيلتو وناسو
سوداني وكفي جارك بترفع راسو
فارس عركت اليوم البكوسو خلاسو
ياك سيد الرجال الماهو ناقص شانك
وماسويت قبيحتاً بيها زولاً شانك
الخلاني جبت حروفي زاهية عشانك
قانص عقلي صايب قلبي بي نيشانك
وات فارس المحاصات ام خيول هواجا
وات دابي الوغش خراب صفوف دهاجا
انت الفي الرجال سادي الفروق والحاجا
ات سند القبيلة وراس رجالا وتاجا
المرق المتين سند الضعيفة أم بو
دايماً في الكرم دافق سحابك شو
ساعة الكوع يحر اياكا صقر الجو
خواض ام عجاج ما بتخشى قولة هو
ود مك المكوك الكــــلو هيبة وعز
راكز في الدواس عقبا عدوهو بفز
الخلاني بفـــــخر بيهو ديمة واهز
زولا في الكرم مجواد قـــداحتو تنز
حر ود حر مأصل وللمكارم لازم
ضيف الهجعة والمحتاج بكونلو ملازم
اسمو مع الكرم والهمة ديمة ملازم
الحعلي العلي واجباتو تب متلازم
اب رسوة المربعن خلس المدروكة
لبع اللجة لامجداف ولافلوكة
شان امات ضماير ماتصيبهن شوكة
سخى بي روحو قال اصلو الايام دلوكة
عارفاك من عقب خليلك ولابنسك
فارس خيل ونوق لجاماتا مابتنفك
في يوم الدواس يوم الخلوق تنعك
راكز ياب زرد وخاتين عليك الرك
ياهو المن زمان معروف مباري الصية
الجمل البشيل كوشال مفاذالخية
الأسد المهاب لجراحنا باقي الكية
يقدل في المحاص بالع الموقٍدةحية
العود اب ضراع الدخري وكت الضيم
المرق التقيل في الضيف نشيط وهميم
ايدك عينة الضحوي وعطاك كريم
من تبيت صغير ماسمعنا قالو لئيم
فارس الحوبة الواطي وتحت ماجرا
عسّام للفقر وفوق الجرارق خرا
حارس ضيفو وقت الهجعة مارق برا
هو الجبل الاصم لازح يوم لاترا
كرمك في الخلوق فاق السمع والشوف
وايدك في السخا مخلوقة للمعروف
وكت الكوع يحر تب آبتعرف الخوف
صنديد ابكريك كيك قفا ومخلوف
الفارس الهميم فوق واجبو ما بتباطى
يتب فوق الضيوف بكل حرار ونشاطة
في الحارات بقيف حلال كرب ووراطة
عدوهو ان خر واقع آبتحلو وساطة
وفقاه للجزر فوق فارغة مـــــــابتوسط
فارع في القوام ماهو القصير وموسط
سواي الكتيييييييير لكن حديثو مبسط
ابا كفا سخية وحاشا مي المنصرّة
قدام ضيفو ماكشر وشـيهـو وصرّه
بش فوق الخلوق وحلف عليها واصرّه
ما دس القروش كوش عليها وصرّه
كاسيك الـــكرم كسوة لباس الكعبة
طايعاك الحروف عندك تساوي اللعبة
ايا الفارس الهمام شياّل همومنا الصعبة
ان طالو الجبال عــــــندك بترجف رّعبة
المن تبّ لي ناكر جميل مابصادق
مابنطق لسانو الا نضاما صادق
البي مالو للمحتاج دوام متصادق
شال خلقو العظيم من الامين الصادق
داخراك يالاصّـــــم انا للسنين العوج
يالكرمك مدفق بحرو موج في موج
عارفاك من عقب ركاب صعاب وسروج
عشا البايتات ان جوك الضيوف بالفوج
فارس في المحاص ديما مسرج خيلك
ومابترضي المشين ضايق خصيمك ويلك
معروف في الرجال دايما مطفح كيلك
بتقود اللطام يصــــــعب لحاقك ونيلك
وماك متابع الفارغةو جهل مقدود
ومن قومة الجهل ماسمعنا قالو حسود
وفي ساعة الشبك بتحلحل للمعقود
وان قالو الكرم عارفنك المقصود
وللعدو والمشين طوالي سيفك طايل
وماسمعناك يوم تابع البقول والقايل
نضمك يالتلب لي كدرنا دايما شايل
وقولت مك اسد فيك المكمل خايل
نسلك ات من نسل الرسل اتشقّ
ونورك ضوا ساحتنا وشعاعك بقّ
فرتاقين صفوف اهلك شكرهن حقّ
ما اتجهجهتو يوم مدفع عدوكم طقّ
ماك الداب عريبو وداب بنيات عمو
وماك يالدخري حقاص كايس البتهمو
معروف في المحاص سيفك بقطر دمو
لا بتخيب و فيــــــــــك الخبوب ببتلمو
الي سري دايما باقي حافظ وكاتم
ياك رتينة الليل اب سواداً غاتم
العاجبني فيك فارس الجرارق الحاتم
بي سوطين عنج شبعت عولو مآتم
بشوفك يالهمام صقر القنيص الخوّه
وبشوفك للصحاب الديمه حافظ الخوّه
بشوفك في الصعاب بلقاك زائد قوّه
راشاي الضعيف سند البقول يامروّة
معروف في المحاص صقر القمارى الفرّن
ومعروف في الرجال تور البكارى المرّن
ات فرج الخلوق وكت السنين الحرّن
حجر الصاقعه ات برق السحائب الكرّنّ
انت الفارس البقدل يبارز ندو
وانت تواسي للفايت يمين عن حدو
في الجود والكرم ايديك دوام يتمدو
وان درتا الجبل في لحظة بس بي تهدو
و تسلم يا الفرع معروف مأصل ساسو
اب رايا سديد عز لي قبيلتو وناسو
سوداني وكفي جارك بترفع راسو
فارس عركت اليوم البكوسو خلاسو
ياك سيد الرجال الماهو ناقص شانك
وماسويت قبيحتاً بيها زولاً شانك
الخلاني جبت حروفي زاهية عشانك
قانص عقلي صايب قلبي بي نيشانك
وات فارس المحاصات ام خيول هواجا
وات دابي الوغش خراب صفوف دهاجا
انت الفي الرجال سادي الفروق والحاجا
ات سند القبيلة وراس رجالا وتاجا
المرق المتين سند الضعيفة أم بو
دايماً في الكرم دافق سحابك شو
ساعة الكوع يحر اياكا صقر الجو
خواض ام عجاج ما بتخشى قولة هو
ود مك المكوك الكــــلو هيبة وعز
راكز في الدواس عقبا عدوهو بفز
الخلاني بفـــــخر بيهو ديمة واهز
زولا في الكرم مجواد قـــداحتو تنز
حر ود حر مأصل وللمكارم لازم
ضيف الهجعة والمحتاج بكونلو ملازم
اسمو مع الكرم والهمة ديمة ملازم
الحعلي العلي واجباتو تب متلازم
اب رسوة المربعن خلس المدروكة
لبع اللجة لامجداف ولافلوكة
شان امات ضماير ماتصيبهن شوكة
سخى بي روحو قال اصلو الايام دلوكة
عارفاك من عقب خليلك ولابنسك
فارس خيل ونوق لجاماتا مابتنفك
في يوم الدواس يوم الخلوق تنعك
راكز ياب زرد وخاتين عليك الرك
ياهو المن زمان معروف مباري الصية
الجمل البشيل كوشال مفاذالخية
الأسد المهاب لجراحنا باقي الكية
يقدل في المحاص بالع الموقٍدةحية
العود اب ضراع الدخري وكت الضيم
المرق التقيل في الضيف نشيط وهميم
ايدك عينة الضحوي وعطاك كريم
من تبيت صغير ماسمعنا قالو لئيم
فارس الحوبة الواطي وتحت ماجرا
عسّام للفقر وفوق الجرارق خرا
حارس ضيفو وقت الهجعة مارق برا
هو الجبل الاصم لازح يوم لاترا
كرمك في الخلوق فاق السمع والشوف
وايدك في السخا مخلوقة للمعروف
وكت الكوع يحر تب آبتعرف الخوف
صنديد ابكريك كيك قفا ومخلوف
الفارس الهميم فوق واجبو ما بتباطى
يتب فوق الضيوف بكل حرار ونشاطة
في الحارات بقيف حلال كرب ووراطة
عدوهو ان خر واقع آبتحلو وساطة