فوق بتي

محمد ابراهيم ود الحلال:
المابغني فوق بتي دي ...... بزعل منو والله العظيم

بتي المولي بي عالى الفهم حلاها
يحفظها من اصابات العيون وبلاها
ريان عندي بالدنيا وتفوقو غلاها
ما ظنيتني انعم بالسرور لولاها

الفرزدق سجم الرماد قال :
ريان السماح الزوق تهون كلاها
ربنا بالفهم اداها لما ملاها
الجمبة الشمال حقت عضاي شالاها
يحفظا لي كريم الفرحة يوت طالاها

Wad Albalad قال:
ريان ياالعزيز ربي الكريم عزاها
بي زولا كريم متلك يكون لها اباها
يارب العباد بالرحمه انت ارعاها
واحفظه للجميع بالتين ويوسف وطه

شفق الغروب قال:
كل مايوم يمر جمالا بنمو معاها
ريان باب جمال فاتح باب مشارعو حداها
أن كايس الفرح ضوق عسلا يجيك من فاها
وأن داير الهلاك حاول وكوسو لماها

التجاني ازهري قال :
يا خالق الخلوق ريان بتحصين ترعاها
تحفظه من العوق والمحن تبراها
خايله فيها البسمه الوضيب نزل عماها
عين الحسود بالعود عشان ماتراها

وائل المغاوير محمدالمهدي قال:
بت ود الحلال ياربي احفظه خليها
من عين الحسود ياربي بس احميها
ومن كرمك علينا ياربي بس اديها
وبتوب والعفاف ياربي بس اكسيها

محمد ابراهيم ود الحلال قال:
ريان يا صديق البدر توم واياها
سكنت في الارض مانع ظهورها حياها
امبارح قريب وكتو اللمح محياها
بالايدين شديد اشرلها وحياها

طارق أبو روابي قال:
ياربي الكريم الخالق السواها
روبا وريو محروسات صباح ومساءها*
هن الدنيا وبرضو الدنيا بي ضحكتن أحلاها
وهن هديةالخالق العظيم مولاها*-(*الدنيا)

يت الامير منو مابحيها لايسه العفاف مودبه فى ميشها عرفت الحكمة فى بتك عايز بشعر اكسيها فات منى الشعر عايز اغلب قوافيها