الخنساء بت المك
May 12 2014
وين ما اقول خلاص درب الوصال اتعزر
القاك بالظروف الماحصل تتعزر
المن ريدتو قلبي من الدكاترة محزر
اديتو القصيد المو ركيك ومفزر

بحس الرقة في الحرف التختو اناملو
واستغرب كتير وكتين اشوفو تعاملو
كان جافانا بعد الحال قرارنا الشاملو
ماببنساهو بي موية العيون بنجاملو

ممكون قلبي لكن بالامل متقوي
وزي مابسوي مفرود الحواري بسوي
يالوجهك سراجي الفي عواتمي بضوي
شوقك شايل العافية ومعكر جوي