مسدار نوري
الفرزدق سجم الرماد
Friday, December 7, 2012 at 8:53am
بسم الله قول يا نمي مسدار بختي
دة الخلاني منكود ديمة مدفوق سختي
يا الساريكي ريدي وبي لواعجو سرختي
كان ماهو الجلد أنا كت بنوح متل أختي
_
كيمان الهموم يا الفي جمالك نختي
طايب ليك مقام بضتي وبشوف فرختي
يا البي همي في ريعان شبابك شختي
تمضغي لي حلوي ان من شقايقو فلختي
؟
بعد ضاقت المدن للريف نويت الهجا
اعاند حظي يبقي وكوم ظروفي الكجة
يا بلد الحبيبة الريدة ما ساب فجة
أحرمت المشاعر وناويا ليكي الحجة
؟
ودعت البريد نوار دناي والمهجة
دمعاتو الحنان العادمة قلبي البهجة
الخلاني اسارع لي خطاي بي زهجة
ود عيني المرقرق وانكسار اللهجة
؟
أم درمان بسيبك ولي ذايدة الجرية
لي مجلوب حنانك وماني ناوي الشرية
يا الكاوياه قلبي وفيك ضايق الهرية
ناوي أضوق وداعة وإنبساطة القرية
؟
وداعا يا بلد جوطة ومرض سمباك
علي أم خيرا متسب يا قلب كمبااك
قايم لا ذوادة ولا شنط همباك
رفيقي أشواق وحن لهفة وعقاب تمباك
؟
علي أبقرن المكنتو بتفلخ الراس رج
نويت علي الحنان عمرة ومناي الحج
أيا البلد البفجفج فوق همومك فج
تبيتك بالله كان خجيتي فكري أنا خج
؟
ما حاملنو أذاك عللا الجبرنا العيشة
فوق راسنا الهموم ذل وإنبطاح ونبيش
ة أيا البلد التوظف في الوظايف طيشة
شن لازم الشهايد كان حظوظك كيشة
؟
كل ما يمر صباح فوق راسنا ينبح جيشا
والبزرع يكابس وحصدو دين الخيشة
يا العلمتي قلبي مع الكبر تهويشة شلتيه
الصبر نفضتي لي التحويشة
*
تب آ البلد اليتش ود عيني يومي عويشة
قاعدين فوق لغم منزوعة منو الفيشة
انا الخلاني أهج ناعل البنادر وديشا
حظوظ سعدي البعيد وسهامي مابية تنيشا
#
سايق بي مهل في اللف يجابد جبدة
عرج بي اليمين شاق لي فيافي أمبدة
المن ضيقا لازما من فرج ولابدة
شينات الظروف لي واقعي تصبح عبدة
#
ختي الجوطة خلفو وداك خلانا عيان
داسو أبنص صاجة الضربو في المليان
سواقنا القدير فالحا يسوق عميان
ساب خلفو العمار من دخلة الشريان
#
الخلا بان هداك أفراق بيوت حلالو
جبال كرري اليمين خت السجن في شمالو
ختينا البندر المليان سواطة وقالو
خبينا المسير لي نوري غاية آمالو
#
سواقنا الحريف الخات حساب رادارو
لادار الغلط لا كوم بشاتن دارو
السرعة التجيب لي العاس عليها ودارو
خاتيها البعيش لابد بيوصلو دارو
#
فتناها الحميدي وديك رمال القوز
وكم تفتيش عبرنا وكان نصيبنا الفوز
الخلاني اسرح للرجيم بمعوز
ساعة ما المضيف بخ المعطر روز
#
القوز الزمان كان فيه بكمل يومنا
ثانية وفاتو فارق لي عوارضو وشومنا
بوحات ديك بشوفا وحات شرف معصومنا
خايف لي القماح البيه بكتر لومنا
#
الدنيا ام عويش الكل ثانية تسومنا
أصناف من عزاب زايد تملي خسومنا
اصناف من مآسي ضنك تزيدو رسومنا
راضين بالهوان كان العذاب مقسومنا
،
قهاوي السكة سواقنا القدير فطاها
جل القبولاب ووادي الحمار نطاها
هضاب وادي النعام ساق بي قدارا وطاها
كان الجن عرضلو بلحقو أمات طه
،
قاصرين الضهر صلينا في التمتام
وإتقهوجنا زين راسنا إندبج أختام
بعد برهة وتأكد لي عددنا التام
ادي أم الحسن بوري وسلامو ختام
،
يا نفسي الفترتي من الهموم وقنتي
بانت ضفة النيل ديك بشوفا قنتي
عرج باليمين باراها منصوركتي
يا نفس السجم ليش لي همومي نكتي
،
يا حسينارتي حييها أم بكول يا جارتي
خايف يوم أعود يعقب شماتا خسارتي
قيزان كورتي بانت ودرت اسو لي عمارتي
اديتا السلام وادتني حورا إشارتي
_
عابر بالقريبة الباسا أوسلي وماشي
من جيهة الشرق بانت جبالا مقاشي
تنقاسي الرويس والسوق هو ليهن غاشي
كبري أبدوم عبربو وموري جيتك طاشي
_
سلام يانوري مشهادي وتمامة كيفي
جيت حاديني شوقك وقلبي راقد جيفي
أيام القماح الماري بيها خريفي
نفسي مراكبي فيك تنجم واوصلو قيفي
الفرزدق سجم الرماد
Friday, December 7, 2012 at 8:53am
بسم الله قول يا نمي مسدار بختي
دة الخلاني منكود ديمة مدفوق سختي
يا الساريكي ريدي وبي لواعجو سرختي
كان ماهو الجلد أنا كت بنوح متل أختي
_
كيمان الهموم يا الفي جمالك نختي
طايب ليك مقام بضتي وبشوف فرختي
يا البي همي في ريعان شبابك شختي
تمضغي لي حلوي ان من شقايقو فلختي
؟
بعد ضاقت المدن للريف نويت الهجا
اعاند حظي يبقي وكوم ظروفي الكجة
يا بلد الحبيبة الريدة ما ساب فجة
أحرمت المشاعر وناويا ليكي الحجة
؟
ودعت البريد نوار دناي والمهجة
دمعاتو الحنان العادمة قلبي البهجة
الخلاني اسارع لي خطاي بي زهجة
ود عيني المرقرق وانكسار اللهجة
؟
أم درمان بسيبك ولي ذايدة الجرية
لي مجلوب حنانك وماني ناوي الشرية
يا الكاوياه قلبي وفيك ضايق الهرية
ناوي أضوق وداعة وإنبساطة القرية
؟
وداعا يا بلد جوطة ومرض سمباك
علي أم خيرا متسب يا قلب كمبااك
قايم لا ذوادة ولا شنط همباك
رفيقي أشواق وحن لهفة وعقاب تمباك
؟
علي أبقرن المكنتو بتفلخ الراس رج
نويت علي الحنان عمرة ومناي الحج
أيا البلد البفجفج فوق همومك فج
تبيتك بالله كان خجيتي فكري أنا خج
؟
ما حاملنو أذاك عللا الجبرنا العيشة
فوق راسنا الهموم ذل وإنبطاح ونبيش
ة أيا البلد التوظف في الوظايف طيشة
شن لازم الشهايد كان حظوظك كيشة
؟
كل ما يمر صباح فوق راسنا ينبح جيشا
والبزرع يكابس وحصدو دين الخيشة
يا العلمتي قلبي مع الكبر تهويشة شلتيه
الصبر نفضتي لي التحويشة
*
تب آ البلد اليتش ود عيني يومي عويشة
قاعدين فوق لغم منزوعة منو الفيشة
انا الخلاني أهج ناعل البنادر وديشا
حظوظ سعدي البعيد وسهامي مابية تنيشا
#
سايق بي مهل في اللف يجابد جبدة
عرج بي اليمين شاق لي فيافي أمبدة
المن ضيقا لازما من فرج ولابدة
شينات الظروف لي واقعي تصبح عبدة
#
ختي الجوطة خلفو وداك خلانا عيان
داسو أبنص صاجة الضربو في المليان
سواقنا القدير فالحا يسوق عميان
ساب خلفو العمار من دخلة الشريان
#
الخلا بان هداك أفراق بيوت حلالو
جبال كرري اليمين خت السجن في شمالو
ختينا البندر المليان سواطة وقالو
خبينا المسير لي نوري غاية آمالو
#
سواقنا الحريف الخات حساب رادارو
لادار الغلط لا كوم بشاتن دارو
السرعة التجيب لي العاس عليها ودارو
خاتيها البعيش لابد بيوصلو دارو
#
فتناها الحميدي وديك رمال القوز
وكم تفتيش عبرنا وكان نصيبنا الفوز
الخلاني اسرح للرجيم بمعوز
ساعة ما المضيف بخ المعطر روز
#
القوز الزمان كان فيه بكمل يومنا
ثانية وفاتو فارق لي عوارضو وشومنا
بوحات ديك بشوفا وحات شرف معصومنا
خايف لي القماح البيه بكتر لومنا
#
الدنيا ام عويش الكل ثانية تسومنا
أصناف من عزاب زايد تملي خسومنا
اصناف من مآسي ضنك تزيدو رسومنا
راضين بالهوان كان العذاب مقسومنا
،
قهاوي السكة سواقنا القدير فطاها
جل القبولاب ووادي الحمار نطاها
هضاب وادي النعام ساق بي قدارا وطاها
كان الجن عرضلو بلحقو أمات طه
،
قاصرين الضهر صلينا في التمتام
وإتقهوجنا زين راسنا إندبج أختام
بعد برهة وتأكد لي عددنا التام
ادي أم الحسن بوري وسلامو ختام
،
يا نفسي الفترتي من الهموم وقنتي
بانت ضفة النيل ديك بشوفا قنتي
عرج باليمين باراها منصوركتي
يا نفس السجم ليش لي همومي نكتي
،
يا حسينارتي حييها أم بكول يا جارتي
خايف يوم أعود يعقب شماتا خسارتي
قيزان كورتي بانت ودرت اسو لي عمارتي
اديتا السلام وادتني حورا إشارتي
_
عابر بالقريبة الباسا أوسلي وماشي
من جيهة الشرق بانت جبالا مقاشي
تنقاسي الرويس والسوق هو ليهن غاشي
كبري أبدوم عبربو وموري جيتك طاشي
_
سلام يانوري مشهادي وتمامة كيفي
جيت حاديني شوقك وقلبي راقد جيفي
أيام القماح الماري بيها خريفي
نفسي مراكبي فيك تنجم واوصلو قيفي